Footer

Traysikelan ti Narvacan, naikkan iti pondo

NARVACAN, Ilocos Sur – Naikkan iti pondo para iti kooperatiba dagiti traysikelan ditoy nga ili, segun iti presidente ti nasao a grupo.

Impalgak ni Noel de los Santos, presidente ti Narvacan Tricycle Operators Drivers Association, nga agdagup iti P500,000 ti naited para iti pondo ti kooperatibada a naggapu ken ni dati a Gov. Luis “Chavit” Singson.

Maaramat ti pondo a pagpautang ti kooperatiba kadagiti miembro no adda emerhensia a pagkasapulanda iti kuarta.#