Footer

Baro a pagbaludan, nainaguraran

VIGAN CITY – Nainaguraran ti baro a pagbaludan ditoy a siudad itay Mayo 14.

Kinuna ni BJMP warden Jerry Palalay a naggapu ti P5 milion a nabusbos iti pannakaipatakder ti pagbaludan manipud iti Department of Interior and Local Government  babaen ken ni Undersecretary of Public Safety Marius Corpuz ken indonar ti City government ti lote iti Ayusan Sur a nakaipatakderan ti pagbaludan.

Segun iti opisial, rugianda nga iyalis dagiti dadduma a gamitda iti Mayo 15 ta kasapulan ti City Health Office ti daan a pasdek.

Timmabuno iti inagurasion ti regional director ti BJMP ken dagiti opisial ti siudad.#