Footer

Motorsiklo, natakaw

VIGAN CITY – Maysa a  motorsiklo ti natakaw manen iti nakaiparkinganna iti asideg ti maysa nga otel ditoy siudad itay lawasna.

Natakaw ti chop-chop a motorsiklo ni Sharon Raquepo nga imparkingna iti kalsada iti amianan a sikigan ti Cordillera Inn a sakup ti Barangay I ditoy siudad.

Segun iti report, imparking ni Raquepo ti luganna iti nadakamat a lugar sa napan nagtrabaho ngem idi agsublin, awanen ti motorsiklona.

Daytoy ti maikadua a daras nga adda matakaw a lugan iti daytoy a lugar.

Idi Mayo 3, natakaw ti XRM a motorsiklo ni Wilmer Feria, 17, residente iti Bulag West, Bantay, Ilocos Sur, nga imparkingna iti kalsada iti amianan a paset ti nasao nga otel.#