Footer

Nakabkabil a lalaki, pimmusay iti ospital

NARVACAN, Ilocos Sur – Natay iti ospital ti maysa a lalaki a mapapati a kinabil ti kaarrubana nga agama iti Barangay San Pablo ditoy nga ili itay nabiit.

Natay bayat ti pannakaagasna iti ospital ni Luis Tugade, 49, naasawaan, a mapapati a kinabil dagiti agama a Jose ken Jojo Cabaclay gapu iti dida panagkikinnaawatan.

Segun iti report, mapapati a pinabasol ti biktima dagiti suspek a nangubor ti balayna a puon ti nangkabilan dagiti suspek kenkuana.#