Footer

Selpon, nasikuat iti pagtagilakuan

VIGAN CITY – Maysa a saleslady ti nagpulong iti polis ditoy a natakaw ti selponna nga imbatina iti counter iti pagpapaayanna a pagtagilakuan iti Heritage Village ditoy siudad itay lawasna.

Segun ken ni Jemalyn Sayaboc, 20, balasang, residente iti Barangay Pila, Cabugao, Ilocos Sur, rimmuar laeng apagbiit iti pagtagilakuan iti agarup alas 3:45 ti malem ti Mayo 12 ket imbatina ti selponna iti lamisaan iti asideg ti counter ngem idi agsubli, awanen daytoy iti nangikabilanna.

Suspetsa ti biktima a ti lalaki a nasabatna a rummuar iti pagtagilakuan ti nangsikuat iti selponna.

Di pay ammo ti kinasiasino ti nangtakaw iti selpon ti biktima.#

Comments are closed.