Footer

Trabahador, nagaboran, natay

SANTA, Ilocos Sur – Natay ti maysa a trabahador idi nagaboran bayat ti panagtuptupingda iti asideg ti baro a rangtay iti Barangay Banaoang ditoy nga ili iti malem ti Mayo 11.

Nabigbig ti biktima a ni Johnny Bajet, 57, residente iti Barangay Pasungol ditoy met laeng nga ili. Nadunor met ti kannigid a saka ken kannawan a luppo ni Arnel Basconcillo, 32, kalugaran ni Bajet.

Segun iti report, madama nga agtuptuping da Bajet para iti alternatibo a dalan iti nadakamat a lugar idi nagreggaay ti daga a puon ti nakagaboranna.

Intaray dagiti kakaduana iti ospital ngem saandan a naiyabot a sibibiag.#

Comments are closed.