Footer

1,500 umili, benepisario ti PhilHealth

STA. CATALINA, Ilocos Sur – Nanayonan ti bilang dagiti indigent nga umili ditoy a nawarasan iti PhilHealth cards, segun iti ama ti ili ditoy.

Kinuna ni nailayon a mayor Carlos Asuncion nga agdagupen iti 1,500 nga indigent nga agindeg ditoy ti naikkanen iti PhilHealth card.

Kinuna ti mayor a manipud iti 500, nagbalin a 1,000 ti dagup dagiti indigent nga umili ti naikkan iti PhilHealth card idi 2009, ket ita a tawen, umaboten iti 1,500 dagiti naikkan iti card.

Napaadda daytoy a benepisio babaen ti katulagan a pagbibingayan nga ibaklay ti gobierno probinsial, ni Cong. Ronald Singson ken ti gobierno munisipal ditoy ti premium para iti PhilHealth card.#

Comments are closed.