Footer

Bastos a polis, nakasuan

SAN JUAN, Ilocos Sur – Maysa a polis ti Makati City ti nakasuan gapu iti panangbastosna iti hepe ti polis ditoy nga ili.

Gapu iti mapapati a kinaawan iti panagrespetona ken ni San Juan Chief of Police Police Senior Inspector Sosimo Racho, nasalpakan iti grave misconduct ni PO2 Elmandy Arconado, 32, naasawaan, residente iti Barangay Barbar ditoy nga ili ken kameng ti Makati City PNP.

Segun iti report, bayat ti naisayangkat a panagpapatang dagiti nainbolbar iti aksidente iti lugan a napasamak idi Abril 30, 2010 a pakaibilangan ti ama ken kasinsin ti suspek iti police station, mapapati a nagbalin nga arogante ni Arconado ken kinasubangna ni Racho.#