Footer

Bus, traysikel, nagdinnungpar, 1 natay

CANDON CITY – Maysa ti natay idinto a nadunor ti sabali iti panagdinnungpar ti maysa a bus ken traysikel iti Barangay Calaoa-an, ditoy siudad.

Natay ni Flordeliza Manzano idinto a nadunor ti anakna a ni Henry Manzano, 23, residente iti Barangay San Jose, ditoy siudad, nagmaneho iti traysikel, kalpasan a nakidinnungpar ti lugan iti Florida Bus a minaneho ni Dionisio Vira, residente iti Barangay 2, San Nicolas, Ilocos Norte.

Segun iti report, agsarsaruno nga agpaamianan dagiti dua a lugan iti national highway a sakup ti Barangay Calaoa-an idi mapapati a nagsikko nga agpakannigid ti traysikel a puon ti nakadungparan ti bus iti daytoy.

Saanen a naiyabot iti ospital ti biag ti baket.#