Footer

Misa ti panagyaman iti natalna nga eleksion, insayangkat ti PRO1

CAMP BGEN OSCAR M FLORENDO — Maysa a misa ti panagyaman gapu iti natalna a panagpipili ti naisayangkat iti kapilia ti provincial regional office 1 ditoy itay Mayo 17.

Indauluan da Police Chief Supt. Constante D. Azares Jr., Region 1 police director, ken ti kaingungotna a ni Maria Azares, dagiti polis ti PRO1 iti  misa ti panagyaman a naisayangkat iti kapilia ditoy a tinabunuan pay dagiti kamkameng ti komunidad.

Iti panagsermonna, inyunay-unay ni Father Ronilo A. Datu, chaplain ti PRO1, ti kinapateg ti pammati iti Dios.

“Ti Dios ti salakan ken salaknibtayo iti panagbiagtayo iti inaldaw. Laglagipen a ti pannakirupaktayo ket saan a maikontra kadagiti tao no di maikontra iti prinsipalidad. No awan ni Kristo, awan ti kaes-eskantayo,” kinuna ni Datu.

Kabayatanna, pinadayawan ni Azares dagiti polis ti PRO1 gapu iti nasayaat a nagapuananda nangruna iti pannakapatalinaed ti honest, orderly and peaceful elections (HOPE) iti Region I.  Binigbig pay ni Azares ti inaamid ken sakripisio dagiti polis iti babaenna a namagbalin iti PRO1 a top performer iti sapasap a pagilian iti kalkalpas a panagpipili.

“ “I commend all of you for the cooperation and dedication to duty you have shown in the recent elections.  Your exemplary performance of your assigned tasks has resulted in the very high rating of PRO1 in election-related operations,” he said.

Pinalagipan pay ni Azares dagiti polisna ti panangtagibenda iti panagpakawan idinto nga indagadagna ti panangibulosda ti aniaman a dakes a rikna wenno di panagkikinnaawatan a pinataud ti eleksion.

“Forgiving makes us grow and mature.  You will know that forgiveness has begun when you recall those who hurt you and feel the power to wish them well,” kinuna ni Azares.#