Footer

Motorista, natay iti aksidente

CANDON City – Natay ti maysa a motorista idinto a nasugatan ti sabali iti aksidente a napasamak itay lawasna iti national highway a sakup ti Barangay Bagani Campo ditoy nga ili.

Natay ni Henry Gamisera, 18, residente iti San Jose ditoy nga ili idinto a nasugatan ni Raymund Pimentel, 24, residente iti Salincub, Santiago, Ilocos Sur gapu iti panagsinnapgid dagiti naglugananda a motorsiklo.

Iti report manipud iti polis, ginandat nga agoberteyk ni Gamisera a nakalugan iti Honda Wave ngem mapapati a nakasinnapgidna ti Honda XRM a minaneho ni Pimentel.

Naitupa ti ulo ni Gamisera iti pannakaikuyasyas ti luganna a puon ti nakatayanna.#

Comments are closed.