Footer

2 panadero, nagpakaloko

MAGSINGAL, Ilocos Sur – Dua a panadero ti inaresto dagiti polis gapu iti mapapati a panangpang-or ken panangbagsolda iti dua a lalaki  iti rabii ti Mayo 23 ditoy.

Naaresto ni Eric Egase, 30, baro, ken ni Alexander Parato, agpada a panadero, agpada a tubo iti Rosario, Batangas, gapu iti panangbagsol ken panangpang-orda kada  Aurelio Cortez, 43, naasawaan ken ni Edward Piano, 33, baro, agpada a residente iti Barangay Patong, Magsingal.

Segun iti report, mapapati a kinomprontar ni Egase da Cortez ken Piano gapu iti panangiparkingda iti motorsikloda iti sanguanan ti bakeshop a pagtrabtrabahuan ti suspek ket pinang-orna iti tubo ni Piano.

Mapapati a nakainom ti suspek.

Nagpatulong dagiti dua iti kaarruba ket nagsublida tapno ireklamoda ti suspek iti manadier ti  bakeshop.

Madama ti panagpapatangda idi immasideg ti suspek ket binagsolna ni Cortez. Pinang-or met ni Parato ni Piano.

Naitaray dagiti biktima iti Magsingal District Hospital.#

Comments are closed.