Footer

Lugan dagiti balud, makiddaw

VIGAN CITY – Maysa a resolusion ti pinutar ni Konsehal Benjos Verzosa a mangkiddaw iti maysa a van a pagluganan dagiti balud no adda hearing ti kasoda iti korte.

Naiturong ti resolusion ken ni DILG Undersecretary Marius  Corpuz, tubo ditoy siudad.

Kidkiddawen ti sangguniang panlungsod ditoy babaen ti nasao a resolusion ti pannakaited ti maysa a van a pagluganan dagiti balud no mapanda iti hearing wenno adda pakasapulan kadakuada mainaig iti kasoda.

Pangadaywen ti kabarbaro a city jail a napatakder iti Barangay Ayusan kadagiti korte a masarakan iti poblasion ti siudad.

Ni met laeng Corpuz ti naggapuan ti pondo para iti pannakaipatakder ti nasao a pagbaludan.#