Footer

Motorista, naparakapak, natay; kaduana, nasugatan

SINAIT, Ilocos Sur – Natay ti maysa a motorista idinto a nasugatan ti kalubbonna kalpasan a pinarakapak ida ti dua a lalaki a nakalugan met laeng iti motorsiklo iti kalsada nasional a sakup ti Barangay Paratong ditoy nga ili.

Nainaganan ti biktima a ni Lorman Yadao, 26, baro, residente iti Barangay Teppeng ditoy nga ili. Impatay a dagus ni Yadao ti sugatna iti ulo ken dadduma a paset ti bagina.

Naitaray iti Sinait District Hospital sa naiyalis iti Mariano Marcos General Hospital iti Batac City ni John Martinez a nagsagrap iti sugat iti kannigid a siket ken imana.

Segun iti report, agdaldaliasat ti motorsiklo dagiti biktima iti kalsada nasional ti nadakamat a barangay iti agarup alas 7:45 ti rabii ti Mayo 25 idi inabay ida ti motorsiklo a nagluganan ti dua a lalaki ket pinarakapak dagitoy dagiti biktima.

Nakasarak dagiti nagresponde a polis iti 9 kapsula manipud iti cal. 9mm ken 4 a kapsula manipud iti cal. 45 iti nakapasamakan ti krimen.

Di pay nabigbig dagiti pimmaltog.#

Comments are closed.