Footer

Agina, naaksidente

CANDON CITY – Nasugatan ti agina idi nakidinnungpar ti motorsiklo a naglugananda iti maysa a service vehicle iti asideg ti city hall ditoy a siudad.

Segun iti report manipud iti polis ditoy, agpaabagatan ti XRM a minaneho ni Sheree Ann Antonio, residente iti Barangay Angkileng, Sta. Lucia, Ilocos Sur, kaluganna ti anakna a ni Allysa, 7, idi mapapati a nagpakannigid ti multicab a minaneho ni Barangay Captain Rufino Singlitan, residente iti Man-atong, Suyo, Ilocos Sur a puon ti nagdinnungparan dagiti dua a lugan.

Nayospital dagiti agina gapu iti sinagrapda a sugat.#

Comments are closed.