Footer

Baro, naisaklang iti homicide

STO. DOMINGO, Ilocos Sur – Naipilaan iti kaso iti provincial prosecutor’s office ti maysa a baro a nakapatay iti asawa ti mapapati a karelasionna itay nabiit.

Nakasuan iti homicide ni Alex Tacud, 38, baro, residente iti Barangay Paguraper, ditoy nga ili, gapu iti pannakapatayna ken ni Pedro Tenedor, 52, naasawaan, kalugaranna, idi parbangon ti Mayo 30.

Segun iti inbestigasion, nariing ni Tenedor gapu iti panagtaul ti asoda, ket idi rimmuar, nakitana nga umar-arubayan ti suspek.

Mapapati a minalo ni Tenedor ti suspek iti bellang ngem nalisian daytoy ken naagawna ti bellang ket daytoy met ti impalekna iti teltel ti biktima a puon ti nakatayan ti biktima.

Mapapati nga adda nalimed a relasion ti suspek ken ti asawa ti biktima.#

Comments are closed.