Footer

800 kaban ti certified seeds, mailako kadagiti mannalon

MAGSINGAL, Ilocos Sur – Walo gasut a kaban a certified palay seeds ti simmangpet itay nabiit a mailako kadagiti mannalon ditoy.

Segun ken ni Municipal Agriculture Officer William Tomaneng, mabalinen dagiti rehistrado a mannalon ditoy ti mapan gumatang iti certified palay seeds iti Department of Agriculture.

Mailako dagiti certified palay seeds kadagiti rehistrado a mannalon iti P600 kada 40 kilos. Ibaklay ti DA ti sabali a P600 kas subsidiana.

Dimmakkel ti produksion ti bagas ditoy probinsia idi napan a tawen isu a sumagmamano laengen nga ili ti maikkan iti subsidy iti certified palay seeds a pakairamanan daytoy nga ili.#