Footer

Ama tinagbat ti anakna, natay

CANDON CITY – Saanen a naispal ti biag ti maysa nga ama iti ospital a nakaitarayanna kalpasan a tinagbat ti bukodna nga anak.

Natayen idi maidanon iti Resonable Hospital ni Rodolfo Binas-o, 64, mannalon, residente iti Barangay Palacapac ditoy a siudad, gapu kadagiti sugatna gapuanan ti panangtagtagbat kenkuana ni Mario Binas-o, anak ti biktima.

Segun iti inbestigasion dagiti polis, adda saan a nagkinnaawatan dagiti agama ket mapapati a dinanog ti anak ti ama.

Iti karabianna, mangmangan ti anak idi mapapati nga inungtan ti ama. Mapapati a nangala ti suspek iti buneng ket tinagtagbatnan ti amana.

Mapapati a saan a nasimbeng ti panagpampanunot ti suspek.#