Footer

Motorista, grabe dagiti sugatna iti aksidente

BANTAY, Ilocos Sur – Iti intensive care unit ti maysa nga ospital ti nagsaltekan ti maysa a motorista gapu iti pannakaaksidentena iti Barangay Bulag ditoy nga ili itay nabiit.

Iti pannakaisurat daytoy, madama a mamonmonitor iti Metro Vigan Cooperative Hospital ti kasasaad ni Reynante Soria, 42, baro, agnaed iti Barangay Bulag West ditoy nga ili gapu kadagiti grabe a sugatna gapu iti nasao nga aksidente.

Segun iti report, agdaldaliasat ni Soria iti barangay road a sakup ti nadakamat a barangay idi napukaw ti kontrolna iti manibela ti motorsiklona a puon ti pannakatulidtulid daytoy agingga a naikanal.

Nakaro ti dadael ti lugan.#

Comments are closed.