Footer

Dyip, naidungpar iti alad

BANTAY, Ilocos Sur – Nalukay a tornilio ti mapapati a nakaigapu iti pannakaikkat ti pilid ti maysa a dyip a nagtungpal iti pannakaidungparna iti alad.

Daytoy ti rimmuar iti inisial nga inbestigasion dagiti polis mainaig iti aksidente a napasamak iti Barangay Sinabaan ditoy nga ili idi nabiit.

Segun iti report, agdaldaliasat ti dyip iti kalsada nasional a sakup ti nadakamat a barangay idi naikkat ti makannigid a pilid daytoy a puon ti saan a nakakontrolan ni Ernesto Paiste, 27, baro, residente iti Barangay An-annam, Bantay, Ilocos Sur, iti manibela ken nakaidungparan ti dyip iti kongkreto nga alad.

Nadunor ti maysa a naglugan iti dyip a kalugaran ti nagmaneho ket naitaray daytoy iti Metro Vigan Cooperative Hospital para iti pannakaagasna.#

Comments are closed.