Footer

Empleado, nabugbog iti videoke bar

CERVANTES, Ilocos Sur – Nabugbog ti maysa nga empleado iti uneg ti maysa a videoke bar iti Barangay Rosario ditoy nga ili a puon ti nakayospitalanna.

Naipaagas iti Bessang Pass Memorial Hospital ni Bonifacio Sepian, 51, naasawaan, empleado iti nadakamat nga ospital, residente iti Barangay Rosario, gapu iti panangbugbog kenkuana da Charlie Villanueva, 23, naasawaan, mannalon, residente iti Barangay Remedios, Cervantes ken Edward Baucas, 21,  naasawaan, residente iti Barangay Patiacan, Quirino, Ilocos Sur.

Segun iti report, nagpungtot dagiti suspek nga umin-inom iti Tagay Videoke Bar gapu iti mapapati a panangbugkaw kadakuada ti biktima ket binugbogda daytoy.

Inaresto dagiti polis dagiti suspek.#

Comments are closed.