Footer

Computer shops, monitoren dagiti polis

CABUGAO, Ilocos Sur – Nainget a siputan dagiti polis ditoy dagiti computer shops tapno malapdan ti panagayuyang dagiti agbasbasa kadagitoy kabayatan ti klase.

Kinuna ni Chief of Police Marlowe Bondoc nga imbilinna ti panangmonitor dagiti polis ditoy dagiti pagkompiuteran tapno awan ti sumrek nga agbasbasa nga agay-ayam ditoy bayat ti klaseda.

Kinuna pay ni Bondoc a makikoordinarda iti Department of Education tapno mapalagipan dagiti ubbing iti saanda nga iruruar iti pagadalan kabayatan ti klase tapno laeng mapanda agay-ayam kadagiti computer shops.

Adda sumagmamano a computer shops iti asideg dagiti pagadalan iti poblasion ditoy ket dagitoy ti nainget a monitoren dagiti polis.#

Comments are closed.