Footer

Police car, nakidinnungpar iti kotse ti Danish national

SANTIAGO, Ilocos Sur – Agpada a nadadael ti maysa a patrol car ken maysa a kotse gapu iti panagdinnungparda idiay Barangay Bulbulala ditoy nga ili itay lawasna.

Nagdinnungpar ti patrol car ti PNP Nagbukel a Hi-Lux a minaneho ni PO3 Basiliso Cabunoc Corrales, residente iti Barangay Dinalaoan, Narvacan, Ilocos Sur ken ti Toyota Vios, kukua ti JB Rent a Car nga inupaan ni Jon Coch Mogensen, 29, Danish national, temporario nga agnaed iti The Ilocos Marina Beach Resort.

Segun iti inisial nga inbestigasion ti polis, agpapaabagatan ti patrol car idi mapapati a nagsikko ti Toyota Vios a puon ti nagdungparan dagiti dua a lugan.

Nupay kasta, malaksid ti pannakadadael dagiti lugan, saan a nasugatan da Cabunoc ken Mogensen.#

Comments are closed.