Footer

Rubber boat, personal nga indonar ni Cong. Ronald Singson

VIGAN CITY – Personal a donasion, saan a naggapu iti pondo ti gobierno ti rubber boat a naited iti Maritime, daytoy ti panangilawlawag ni Cong. Ronald Singson.

“Personal a bagik daytoy a rubber boat… saan a kuarta ti gobierno,” kinuna ni Singson.

Kinuna ti diputado a para iti panaglinglingayna ti nasao a rubber boat ngem saanna met a maaramat no adda bagyo ket sublatento met laeng ti Maritime isu nga inkeddengna nga idonarna laengen tapno adda mausar ti nasao nga opisina iti rescue operation no panawen ti bagyo.

Segun ken ni Singson, isu payen ti mangibaklay iti pannakaisayangkat ti panagsanay dagiti agaramat iti nasao a rubber boat iti rescue operations ken iti gasolina daytoy kas kiddaw kenkuana ti Maritime.#

Comments are closed.