Footer

Bakla a mannanakaw, inaresto dagiti barangay officials

VIGAN CITY – Inaresto dagiti opisial ti Barangay VI ti maysa a mannanakaw a bakla a mapapati a nagtakaw iti pantalon, pedal ken kalding ditoy.

Inaresto da  ABC President John Patrick Singson ken Barangay Kagawad Vicente Farpali ni Jimmy Herrera y Hipolito, 24, awanan asawa, bakla, residente iti Centro East, Ballesteros, Cagayan ngem agdama nga agnaed iti Barangay VI gapu iti mapapati a panagtakawna iti asssorted a pedal ken pantalon a maong.

Iti inisial nga inbestigasion, naammuan a simrek ni Herrera iti balay ni Maria Baniagan y Quinday, 53, naasawaan, residente iti Barangay VII ket kinurimesna dagiti assorted a pedal ken maong pants nga aggatad iti P2,000.

Iti panagpalutpot dagiti polis, naammuan pay a tinakaw ni Herrera ti maysa a pantalon a maong a kukua ni Levi Taaca ken babai a kalding a kukua ni Virginia Filart y Follosco, agpada a residente iti Barangay Cabalangegan, Vigan City.#

Comments are closed.