Footer

Balay nasukisok, paltog, balbala nakumpiska

STA. CATALINA, Ilocos Sur- Maysa a pagtaengan iti Barangay Cabaroan ditoy nga ili ti sinukisok dagiti polis idi Hunio 29 ket nakakumpiskada iti paltog ken balbala.

Nakakumpiska dagiti polis iti  maysa a homemade a Caliber .38 revolver, 3 a bala para iti Cal. .38 ken maysa a bala para iti Cal. .45 iti balay ni Danilo Navarro Sr., y dela Cruz, 54, naasawaan, residente iti nadakamat a barangay.

Imet dagiti nagsukisok a binukel ti nagtipon a grupo ti Intel Branch ti ISPPO ken ISPPSMC ken ti polis ditoy nga ili ti search warrant a pinirmaan ni Judge Francisco Ante, Jr. ti MTCC, Vigan City.

Sinaksian dagiti barangay officials a pakaibilangan da Barangay Captain Amado Rea ken Barangay Kagawad Dennis Rea ti panagsukisok.#