Footer

Kamera, lens, nakurimes iti estudio

VIGAN CITY – Kamera, ken lens ti kinurimes ti maysa a grupo a binukel ti maysa a babai, lalaki ken ubing iti Willy’s Studio a masarakan iti Salcedo Street, Barangay I, Vigan City itay nabiit.

Binigbig ni Paul Bautista, potograpo ti nasao nga estudio, ni Lorna Quiqui, residente iti Utol-Patac, San Ildefonso, Ilocos Sur a maysa kadagiti tallo a suspek a simrek iti estudio sakbay ti pannakaduktalna a natakaw ti nadakamat a kamera ken lens.

Segun ken ni Bautista, nagpammarang dagiti tallo a kustomer ket nagparetratoda kenkuana.

Gapu ta P1,000 ti kuarta dagiti suspek, rimmuar ni Bautista a napan nagpasupli.

Segun iti biktima, nasiputanna dagiti suspek a limmugan iti traysikel ket nagdardaras a nagsubli iti estudio a nakaduktalanna nga awanen ti kamera ken lens iti tripod.

Addan sumagmamano a kaso ti panagtakaw a nakainbolbaran ni Quiqui iti napalabas.#

Comments are closed.