Footer

Nagtagipaltog a lalaki, tiniliw dagiti polis

CANDON CITY – Tiniliw dagiti polis ditoy siudad ti maysa a lalaki a nakaiggem iti paltog bayat ti kaaddana iti maysa a karinderia iti Barangay Calaoa-an ditoy siudad iti malem ti Hunio 27.

Kinumpiska dagiti polis ti kal. 9 mm a pistol nga ikut ni Benedicto Gabatino, Jr. y Galdones, 39, naasawaan, residente iti Barangay Calongbuyan, Candon City kalpasan nga awan ti maipakitana a permit to carry iti ruar ti balayna.

Nagresponde dagiti polis iti CSC carinderia kalpasan a nakaawatda iti pulong manipud iti maysa a kustomer nga adda nabartek a lalaki a nakaiggem iti paltog iti uneg ti panganan.

Adda ita iti ikut dagiti polis ti paltog ken nakakustodia ti suspek iti police station.#

Comments are closed.