Footer

PRC Baguio, mangisayangkat mobile outreach services iti Ilokos

BAGUIO CITY -Mangisayangkat ti Professional Regulation Commission (PRC) Baguio Regional Office iti mobile outreach services iti dua nga unibersidad iti Ilokos, daytoy ti waragawag a naggapu iti Opisina ni PRC Regional Director Teofilo Gaius M. Sison, Jr.

Maangay ti mobile outreach program babaen ti pannakikoordinar ti Northwestern University iti Laoag City inton Hulio 10, 2010 ken iti University of Northern Philippines iti Vigan City inton Hulio 11, 2010 a pakaitedan iti serbisio a pannakaproseso dagiti aplikasion iti eksaminasion ken pannakaproseso ti pannakapabaro ti professional identification card/lisensia.

Dagiti kasapulan para iti aplikasion iti eksamen:

Basic requirements: Orihinal ken photocopy ti transcript of records nga addaan kumpleto a petsa ti panagturpos, S.O. Number (no aplikable), nga addaan scanned a retrato ken adda a naimaldit ti: “For Board Examination Purposes Only”; 2. orihinal ken photocopy ti NSO birth certificate iti security paper (ken marriage certificate para naasawaan a babbai) ken kopia ti local civil registrar (no saan a nalawag ti NSO BC); 3. 2010 community tax certificate; 4. tallo (3) a kopia ti kaudian a passport-sized colored picture, white background ken addaan kumpleto a name tag; ken 5. examination fee a P900 para baccalaureate degrees ken P600 para non-baccalaureate degrees.

Kanayonan a kasapulan para Criminologists:  1. NBI clearance ti police ken Court clearance; ken 2. Sertipiko ti good moral character manipud iti  a) barangay captain; b) parish priest/minister/pastor; ken c) pagadalan.

Kanayonan a kasapulan para Agriculturists: 1. Sertipiko ti good moral character manipud iti a) barangay captain; ken b) pagadalan wenno employer.

Dagiti nagpason a PICs/licenses ken dagiti agpason iti 2010 dagiti maawat para renewal.

Kasapulan para renewal: 1. Duly accomplished Renewal Form; 2. Dua (2) a passport-size (1 kopia laeng para mangisursuro) KAUDIAN a  colored picture iti PLAIN background nga addaan kumpleto a name tag; 3. Maysa a photocopy ti kaudian a Professional ID Card. No napukaw ti Professional identification card, isubmite ti duly notarized affidavit of loss ken photocopy ti certificate of registration (Lupon); ken 4. marriage certificate manipud NSO (iti security paper) manipud iti aplikante a babai a naasawaan nga agtarigagay nga agaplikar para pannakasukat ti naganna gapu iti panagasawana.

Kanayonan a kasapulan para renewal, kas impaulog dagiti bukodda a boards: a. Geodetic Engrs – GEP Membership ID wenno sertipikasion;  b. Electronic Engrs – IECEP ID wenno sertipikasion; c. Architects – UAP Membership ID wenno sertipikasion; ken d. REE/RME – IIEE Membership ID wenno sertipikasion.#

Comments are closed.