Footer

SPCIS, nakompirma a kameng ti St. Paul University System

VIGAN CITY – Naan-anay a nagbalin a kameng ti St. Paul College of Ilocos Sur iti St. Paul University System  bayat ti conferment ceremony a naangay idi Hunio 29 ditoy. Ti Chancelor ti SPU System a ni Sr. Remy Angela Junio, SPC ti nangiyawat ti plake ti panagkameng kas tanda ti pannakakompirma ti pagadalan bayat ti conferment ceremony a sinaksian da Bishop Sergio Utleg ti Diocese ti Laoag, Dr, Caridad Abuan, OIC ti CHED Region I, Gov. Deogracias Victor Savellano, Vice Gov. Jerry Singson ken dagiti mangisursuro ken staff ti nadakamat a pagadalan.

TI SPCIS ti maikapito a kameng ti SPU System. Immunan a nagbalin nga unibersidad ti St. Paul University Philippines, Tuguegarao City kas mother University, St. Paul University of Manila, St. Paul University of Quezon City, St. Paul College of Dumaguete, St. Paul College of Iloilo ken St. Paul College of Surigao.

Iti panagsarita ni Sr. Marie Celine Santos, presidente ti SPCIS, kinunana a ti panagbalin ti St. Paul College a kameng ti SPU System ti  mangipakita nga adayon ti nadanon ti pagadalan  nga immuna a naawagan iti Rosary College a naipasdek idi 1905.

Impasingked ti presidente nga agtultuloy ti panangipaayda iti dekalidad nga edukasion kadagiti estudianteda idinto nga impakaammona a mabalindan ti makikammayet ken dumawat iti tulong kadagiti sabsabali a kameng ti SPU University para iti lalo pay a pannakaingato ti kalidad ti Paulinian education.#

Comments are closed.