Footer

Paltog, granada, nakumpiska

NARVACAN, Ilocos Sur – Paltog ken granada ti nakumpiska iti dua a pagtaengan iti sitio Barangobong, Barangay Cadacad, ditoy nga ili iti bigat ti Hulio 6, 2010.

Nakakumpiska ti nagtipon nga elemento ti CIDG Ilocos Sur ken ti Narvacan police nga indauluan ni Police Chief Inspector Villaflor S. Bannawagan iti pagtaengan ni Arthur Sidano Ramos, 50, naasawaan, iti maysa a home made gauge 12 shotgun ken 5 a bala, idinto a maysa a fragmentation hand grenade ti naala iti balay ni Ernesto Sidano Ramos.

Imet dagiti nagsukisok ti search warrant No. 18 ken 19 nga inyisio ni Judge Francisco Ante, Jr. ti MCTC Vigan City.

Sinaksian dagiti barangay officials ti nadakamat a lugar ti panagsukisok.

Naipan dagiti suspek iti police station ditoy agraman dagiti nakumpiska a paltog ken granada.#

Comments are closed.