Footer

1 natay, 3 nasugatan iti aksidente

SANTA MARIA, Ilocos Sur – Maysa ti natay idinto a tallo ti nasugatan iti aksidente a napasamak iti Col. Reyes Avenue, barangay Baliw Daya ditoy nga ili iti rabii ti Hulio 18, 2010.

Natay bayat ti pannakatamingna iti Sto. Niño Hospital ni Rowena Baldiviso y Dasugo, 20, balasang, residente iti nadakamat a barangay idinto a nasugatan da Charlotte Garbo, 19, balasang, residente iti Barangay Cabaroan, Santa Maria, Ilocos Sur, Michael Dario y Lisdogan, 32, baro, residente iti Barangay Lucaban, Burgos, Ilocos Sur, ken Bugner Farani, 28, baro, kalugaran ni Dario.

Segun iti report, agturturong ti Honda Wave a minaneho ni Baldiviso, kalubbonna ni Garbo, iti amianan a direksion idinto nga agpaabagatan ti Dio a minaneho ni Dario, kasakayna ni Farani, idi aksidente a nagdinnungparda.

Manipud iti Sto. Nino Hospital, naiyalis ni Garbo iti Gabriela Silang General Hospital, naitaray ni Dario iti Reyes Clinic and Hospital sa naiyalis iti Metro Vigan Cooperative Hospital idinto a naiyalis met ni Farani iti Guerrero Hospital ditoy met la nga ili.#

Comments are closed.