Footer

Illegal a droga, napuoran

SAN FERNANDO CITY – Napuoran dagiti illegal a droga nga adda iti kustodia dagiti sumagmamano a korte kas ebidensia iti bigat ti Hulio 20 iti police provincial office ditoy.

Mismo a ni Philippine Drug Enforcement Agency (PDEA) Director Dionisio Santiago ken PDEA Regional 1 Director Roberto Opeña ti nangimatang iti pannakapuor dagiti nasao a droga.

Agdagsen dagiti napuoran a shabu iti 547.79 grams a mapattapatta nga agbalor iti P7.6 milion idinto nga agdagsen dagiti marihuana iti 27,225.50 nga agpateg iti P1.6 milion.

Naggapu dagiti droga manipud iti maysa a regional trial court iti Lingayen, Pangasinan ken RTCs iti Balaoan, Agoo ken San Fernando City iti La Union.#