Footer

Illegal recruiter, naaresto

GALIMUYOD, Ilocos Sur – Inaresto dagiti polis ditoy nga ili ni Angelita Damasco y del Rosario, 45, balo, overseas Filipino worker, residente iti Barangay Bidbiday ditoy met laeng nga ili iti alas sais ti agsapa ti Hulio 18, 2010.

Akusado ni Damasco iti illegal recruitment (large scale) a naka-docket iti CC No. 7146.

Imet dagiti polis nga indauluan ni PSI Eliseo Cabalar Laiz, hepe ti polis, ti warrant of arrest a pinirmaan ni Judge Adolfo Alagar ti RTC Branch 28, San Fernando City.

Nakalista ni Damasco iti 10 most wanted iti Ilocos Sur.#