Footer

Lote para ABC hall, nakiddaw

MAGSINGAL, Ilocos Sur – Maysa a resolusion ti naidatag iti konseho a mangkiddaw iti pannakaidonar ti maysa a lote a plano a pakaipatakderan ti ABC building ditoy.

Kinuna ni ABC President Rogelio Jaramilla a kasapulan nga adda mapatakder nga ABC hall tapno adda pagmimitinganda ken paggianan dagiti rekord dagiti amin a barangay ditoy nga ili.

Iti agdama, iti sangguniang bayan session hall ti ar-aramaten dagiti kapitan ti barangay a pagmimitinganda.

Kinuna pay ni Jaramilla nga adda uppat a bookkeeper a susuelduan ti ABC a mangkita kadagiti libro dagiti barangay.#