Footer

Mangngalap, nabungbong, natay

CABUGAO, Ilocos Sur – Dead on the spot ti maysa a mangngalap kalpasan a nabtakan iti bomba iti kabaybayan a sakup ti Barangay Sabang ditoy nga ili itay lawasna.

Natay a dagus ni Julio Carbonel Quiton, 56, naasawaan, gapu iti grabe a sugatna idinto a nasugatan ti saka ni Jason Suplo, 25, baro, kalugaranna iti nadakamat a barangay.

Segun iti report, bayat ti kaadda dagiti dua iti kabaybayan a sakup ti nadakamat a barangay, sinindian ni Quiton ti bongbong ngem bimtak daytoy sakbay a naibatona.

Iti baet ti kampania ti gobierno probinsial maikontra iti illegal a panagkalap, adda latta dagiti maireport a panagbongbong iti sumagmamano a coastal barangays iti probinsia.#

Comments are closed.