Footer

Scout executives, nagtataripnong iti Cabugao

CABUGAO, Ilocos Sur – Nagtataripnong dagiti Boy Scout executives iti Ilocos Region ken North Eastern Luzon idi Hulio 20-21 kas paset ti panagsaganada iti regional jamboree a maangay ditoy nga ili inton Disiembre 1-5, 2010.

Karaman kadagiti dimmar-ay da BSP Regional Director Flor Atinyo, BSP-Ilocos Sur Executive Gil Savellano, BSP Ilocos Sur Chairman Deogracias Victor “DV” Savellano ken nasurok tallopulo nga scout executives.

Inkari ni Cabugao Mayor Edgardo Cobangbang Jr. ti suportana kadagiti amin nga aktibidad ti BSP kas mangsangaili iti regional jamboree a maangay iti Barangay Daclapan ken Barangay Namruangan ditoy nga ili.#

Comments are closed.