Footer

Singson-Goulart, napili a baro a presidente ti liga dagiti mayor

VIGAN CITY – Awan ti timmakder a sumango iti mayor ti Caoayan ken kabsat ni Gov. Luis “Chavit” Singson iti panangpili dagiti local chief executives iti mangidaulo iti ligada a naangay iti provincial capitol idi Hulio 21, 2010.

Pinaserraan a dagus dagiti mayor ti nominasion kalpasan a nainominar ni Mayor ti Caoayan Germelina Singson-Goulart a para presidente iti League of Municipalities of the Philippines (LMP) – Ilocos Sur Chapter.

Duapulo ket uppat iti tallopulo ket dua a kameng ti dimmar-ay iti umuna a miting dagiti mayor. Saan a nakadar-ay ti mayor ti Tagudin, Sta. Cruz, San Vicente, Bantay, Magsingal,  ken San Ildefonso idinto a nangipatulod ti mayor ti ili a Santa ken Sto. Domingo iti proxyda iti nasao a miting.

Iti panagbalinna a presiding officer, pinili ni Goulart ni Mayor Zuriel Zaragoza (Narvacan) kas executive vice president; Mayor Edgardo Cobangbang Jr. (Cabugao),  vice president for Ist District; Mayor Estrella Hernaez (Sta. Lucia), vice president for 2nd District; Mayor Leonofre Gironella (Salcedo), vice president, upland municipalities; Mayor Marlon Ines (Sinait), auditor; ken Mayor Edgar Florendo (Sta. Maria), P.R.O.

Nupay limmanganda, nadutokan da Mayor Teresita Valle (Sta. Cruz)  kas secretary ken Mayor Nancy Tabanda (San Vicente) kas treasurer.

Da Mayor Benjamin Maggay (Cervantes); Mayor Carlos Asuncion (Sta. Catalina); Mayor Chester Elaydo (San Esteban); Mayor Jessie Balingsat (Galimuyod); Mayor Samuel Parilla (Bantay); Mayor Bernard Sarmiento (San Juan); Mayor Timoteo Cabrera (Nagbukel) ken Mayor Fernando Quiton (Sugpon) ti mangbukel iti board of directors.

Iti panagsarita ni Goulart, kinunana nga aramidenna amin a kabaelanna para iti panagballigi ti LPM ket agbalin a demokratiko daytoy para iti amin a kameng.

“Kasapulak ti partisipasion ti amin tapno adu ti magapuanantayo,” indawat ti umuna ti terminona a mayor ti Caoayan.#

Comments are closed.