Footer

Baro, dinungpar ti trailer tanker

STA. MARIA, Ilocos Sur – Maysa a lalaki ti dinungpar ti maysa a tanker iti kalsada nasional a sakup ti Barangay Suso ditoy nga ili.

Naitaray ni Oliver dela Cruz y Baldonado, 38, baro, residente ti Barangay Ampuagan ditoy met laeng nga ili, iti Judge Guerrero Memorial Hospital sa naiyalis iti Ilocos Training and Regional Medical Center iti San Fernando City, La Union gapu iti sinagrapna a dunor iti ulo ken paset ti bagina.

Segun iti report, mapapati a kellaat a bimmallasiw ni dela Cruz iti kalsada a puon ti nakadungparan kenkuana ti trailer tanker ti Flying V a minaneho ni Darius Doque y Reyes, 47, naasawaan, residente iti Barangay Lingsat, San Fernando City, La Union.

Boluntario a simmuko ni Duque iti polis ti Santa Maria.#