Footer

Baro nga opisial ti UFCH

Nagkaykaysaan dagiti aganay a siam a pulo ken lima a delegado a nangibagi ti nadumaduma a gunglo Filipino manipud iti innem nga Island Councils a pakairamanan ti Oahu, Molokai, Kauai, Lanai, Big Island, ken Maui, nga imbutos a presidente ti United Filipino Councils of Hawaii ni Lynne Gutierrez, kalpasan a naglusulos ni Amado Yoro gapu ti medikal a rason.

Naangay ti kombension iti Hyatt Regency Marriott Hotel idi Hulio 23, 24 25, 2010 a nakasangailian ni Maui Mayor Charmaine Tavares ken ni Dr. Belinda Aquino, propesor iti University of Hawaii, Manoa kas keynote speaker.

Ni Gutierrez ti maika-31 a UFCH president ken  maikadua a babai nga agtakem iti daytoy a puesto sipud pay nabangon ti gunglo idi 1959.

Kadua ni Gutierrez a nabutosan da: Norma Barroga (Maui) – bise presidente, Doris Saribay (Maui) – sekretaria, Ben Pulido (Oahu) – tesorero, ken Domie Bucasas,  (Kauai) – auditor.

Dagiti sumaganad dagiti nabutosan a hunta del gobernador: Edwin Ranan, Big Island; Moises Luczon, Molokai; Jean Sumagit, Lanai; Ben Cabreros, Oahu; Arnold Villafuerte, Oahu; Angel Acorda, Kauai.#

Comments are closed.