Footer

Drug personality, napaltogan

MAGSINGAL, Ilocos Sur – Napaltogan ti maysa a lalaki a kairaman iti watch list ti kapolisan ditoy a drug personality idi rabii ti Hulio 24, 2010 iti kalsada nasional a sakup ti Barangay Napo ditoy nga ili.

Nagsagrap ni Jayson Ramos y Tabin, 33, naasawaan, tricycle driver, residente iti Barangay San Basilio, Magsingal, Ilocos Sur, iti sugat iti likud ken kanawan nga imana gapuanan ti cal. 45 kas maibatay iti kapsula a narekobre iti nakapasamakan ti krimen.

Segun iti report, agdaldaliasat ti tricycle a minaneho ti biktima iti national highway a sakup ti Sitio Bussawit, Barangay Napo, idi kinamakam ida dagiti armado a lalaki a nagkalubbon iti motorsiklo sada pinaputokan ti biktima manipud iti likudan.

Mapapati a droga ti motibo ti pammaltog.#