Footer

Agpatpataya iti lotto, napapatay

STA. CATALINA, Ilocos Sur – Maysa a baket nga agpatpataya iti lotto ti pinaltogan dagiti armado a nakalugan iti motorsiklo a puon ti nakatayanna.

Nabigbig ti biktima a ni Cecilia Quiqui y Rabena, 70, balo, residente iti Barangay Cabaroan ditoy nga ili.

Iti inisial nga inbestigasion dagiti polis, napan nagpataya ti biktima iti pagtaengan ni Artemio Raga y Reynon ket rummuar koman iti inaladan daytoy idi kellaat a nagparang dagiti dua a suspek a nagkalubbon iti motorsiklo sa pinaltogan ti maysa ti baket ken dagusda a naglibas.

Nagsagrap ti biktima iti sugat iti ngatuen ti susona ket naideklara a natayen idi maidanon iti St. James Hospital iti Vigan City..

Nakaasarak dagiti inbestigador iti napitpit a buli iti nakapasamakan ti krimen.

Di pay ammo ti motibo ti pammapatay.#

Comments are closed.