Footer

Hit and run

STA. CRUZ, Ilocos Sur – Dua a motorista ti biktima ti hit and run kalpasan a dinungpar ken linibasan ida ti di pay nabigbig a tao iti national highway a sakup ti Barangay Sidaoen ditoy nga ili iti agarup alas 7:40 ti rabii ti Hulio 30.

Nagsagrap da Levy de la Cruz y Jaramilla, 43, naasawaan, welder, ken ti insakayna a ni Laurence dela Cruz y Ortigez, 33, naasawaan, agpada a residente iti nadakamat a barangay iti dunor iti nadumaduma a paset ti bagida ket naitarayda iti Sta. Lucia District Hospital sada naiyalis iti Ilocos Region Training and Medical Center iti San Fernando City, La Union para iti pannakaagas dagiti sugatda.

Segun iti inbestigasion, agpaabagatan a direksion ti Suzuki 100 cc a motorsiklo da dela Cruz ket iti nakapasamakan ti aksidente, nagmenor daytoy tapno mapan iti laud nga abaga ti kalsada idi dinungpar ida ti di pay ammo a behikulo.#

Comments are closed.