Footer

Naikustodia iti polis, naduktalan a nagbekkel

SANTA CRUZ, Ilocos Sur – Naikustodia iti polis gapu iti bartekna tapno saan a makadangran ngem naduktalan laengen a nagbekkel iti uneg ti pagbaludan.

Nasarakan iti sardam ti Agosto 1 ti bangkay ni Eduardo Jacosalem y Contaoi, 35, baro, mannalon ken residente iti Poblacion Norte, ditoy nga ili a nakabitin iti bobeda ti suli ti pagbaludan babaen ti nylon cord.

Naammuan a sakbayna, nabartek ti biktima ket nagprobokar ken pinuoranna ti kutson ti kama iti pagtaengan ni Teresita Javillana y Jacosalem iti Barangay Lantag ditoy met laeng nga ili a puon ti nagpulongan daytoy iti polis tapno agpamunaw ti biktima iti pagbaludan.

Nadiskobre ti panagbekkel ni Jacosalem idi ayaban da PO1 Hadji Lacasandile ken PO1 Andrew Christian Balangue ti biktima a mangrabii ngem awan ti sungbat daytoy.

Inayaban dagiti polis ni Dr. Elalin Javillonar a mangkita ken ni Jacosalem ngem indeklara ti doktor a natayen daytoy.#

Comments are closed.