Footer

Paggasolinaan, dinungpar ti pick-up

CABUGAO, Ilocos Sur – Dinungpar ti nangisit a Nissan Frontier Navarra pick-up nga addaan iti nalabaga a plaka a SGA 218 ti Caltex gasoline station a masarakan iti Barangay Rizal ditoy nga ili idi agarup 4:45 ti parbangon ti Hulio 29.

Iti initial nga inbestigasion ti Cabugao PNP, naammuan nga agpaabagatan a direksion ti pick-up a minaneho ni Simplicio Dumaguig y Besarang, 30, baro, drayber ti munisipio, residente iti Poblacion, Calanasan, Apayao, ket idi makadanon iti nagkurbaan, napukaw ti drayber ti kontrol iti manibela ket dinungparna ti gasoline station a kukua ni Virgina Savellano y Barbers.

Saan a naan-ano ti drayber ken kaduana.#

Comments are closed.