Footer

2 lalaki inaresto ti polis gapu iti droga

VIGAN CITY – Dua a lalaki ti inaresto ti polis idi rabii ti Agosto 7 gapu iti mapapati a panagikutda iti droga.

Napilaan iti kaso a panagsalungasing iti RA 9165 iti city prosecutor’s office da Samuel Obrero y Paranada, 32, baro, ken ni Balbino Roc y Tadeo, 45, naasawaan, agpada a residente iti Barangay Taleb, Bantay, Ilocos Sur.

Segun iti report, madama ti panagpatrolia ti SWAT ken Alert Team ti Vigan babaen ti direkta a superbision ni COP Supt. Elpidio R. Nartatez idi makitada ti maysa a tricycle a nakaparada iti Rizal St., Barangay IV, nga adda nakalugan a dua a lalaki.

Idi umasideg dagiti polis, mapapati nga adda impalladaw ti maysa kadagiti suspetsa ket idi piduten ni PO3 Chester Dandin, natakuatanna a napagango a bulong ti marihuana ti naglaon iti bassit a cellophane.#

Comments are closed.