Footer

Annak ti Ilocos Sur, agkandidato iti Hawaii

HAWAII – Maysa a tubo ti Ilocos Sur ti agkandidato a para representive iti eleksion primaria a maangay ditoy inton Septiembre 8 daytoy a tawen.

Insaruag ni Danny Villaruz, tubo ti Rancho, Santa, Ilocos Sur ti kandidaturana para representative a mangibagi iti 32 District State ditoy nga estado.

Ni Villaruz ti agdama a presidente ti Ilocos Surian Association of Hawaii (ISAH), maysa kadagiti kaaktibuan a gunglo Filipino iti Hawaii.

Kabayatanna, agpailayon iti puestoda dagiti sabali pay nga annak ti Ilocos Sur a pakaibilangan da Hawaii Senator Will Espero (Santiago), Senatorial District 20; Representante Rida Cabanilla (Sta Maria), Representative District 42;  ken Henry Aquino (Narvacan-Santa), Representative District 35.

Papili met ni House Vice Speaker Michael Yadao Magaoay (Bacarra-Sinait), a para senador iti District 22.

Maangay ti eleksion heneral into Nobiembre 2, 2010.#

Comments are closed.