Footer

Maestro, nakasuan iti alarm and scandal

CABUGAO, Ilocos Sur – Nakasuan ni Rowel Tacbas y Buen, 26, naasawaan, residente iti Barangay Cacadiran ditoy nga ili, Criminology instructor iti maysa nga unibersidad iti Vigan City, iti alarm and scandal/panagsalungasing iti RA 8294 a naka-docket iti babaen ti IS No. 1-03-INV-10H-00333 gapu iti panagpaputokna iti Barangay Cabangtalan, Sinait iti agarup alas 6:20 iti sardam ti Agosto 7 a nakaalarmaan dagiti lumugar.

Nakakumpiska dagiti nagresponde a polis iti maysa a cal .45 pistol Colt MK IV, nga addaan SN 964752, magazine assembly ken 5 a bala iti ikut ti maestro.

Nupay adda impakita ti suspek a mission order a napetsaan iti Hunio 15, 2010 nga agpaso iti Agosto 31, 2010 nga inyisio ti 5th Military Intelligence Batallion, Camp Pres. Elpidio Quirino, Bulag, Bantay, Ilocos Sur ken application form para lisensia, impilaan latta ti polis iti kaso.#

Comments are closed.