Footer

Sorbetero, kinaluganna, natay iti pannungpar

SANTIAGO, Ilocos Sur – Natay iti Candon General Hospital da Sherwin Bongolan y Belen, 32, naasawaan, aglaklako iti ice cream, residente iti Barangay Dan-ar ditoy ken maysa a Jomar Butones, kinaluganna, idi nakidinnungpar ti motorsikloda iti maysa a van iti kalsada nasional a sakup ti Barangay Dan-ar ditoy nga ili iti pasado alas onse ti aldaw ti Agosto 8.

Naammuan iti inisial nga inbestigasion a mapapati a napukaw ni Noe Cristo y Barrios, 25, naasawaan, residente iti Cainta, Rizal ti kontrolna iti manibela ti Isuzu Canter van a minanehona a puon ti nagdungparanda iti Euro motorcycle da Bongolan ken Butones a nakasugsugatan ken nakatayanda.

Saan a naan-ano da Cristo ken ti kaduana a ni Jehtro Alma y Capsa ket naipanda iti police station ditoy para iti pannakaimbestigada.#

Comments are closed.