Footer

6 resolusion mainaig iti agrikultura, inaprobaran ti hunta probinsial

VIGAN CITY – Innem a resolusion a mangpasayaat iti agrikultura nga indatag ni Vice Governor Deogracias Victor “DV” Savellano ti inaprobaran ti hunta probinsial iti session a naangay idi Agosto 17.

Awan ti kimmontra kadagiti bokal idi dawaten ni SPM Ismael Baterina, chairman ti committee on agriculture, a maaprobaran ti resolusion a mangkiddaw iti pannakaipadek ti livestock multiplier center iti Ilocos Sur Polytechnic State College, Sta. Maria, resolusion a mangkiddaw iti pannakaipasdek ti provincial vermiculture center para iti produksion ti organiko a ganagan, resolusion a mangkiddaw iti swine multiplier farm iti Magsingal, resolusion a mangkiddaw iti pannakaipasdek ti provincial fish hatchery, resolusion a mangkiddaw iti pannakaiyestablisar ti tissue culture laboratory, ken resolusion a mangkiddaw iti pannakaipasdek ti provincial nursery iti BArang-ay demofarm iti San Juan.

Kabayatanna, naitantan ti resolusion a pannakaamienda ti revenue code ti probinsia. Kinuna ni SPM Orlino Tesoro, chairman ti committee on rules, a kasapulanna pay ti naan-anay a panawen a manganalisar iti dati a revenue code ken dagiti paset daytoy a naiproponer a maamiendaran.#

Comments are closed.